Read Zokam Job 41 Bible Online

Job 41 - Zokam bible

Job 41

¹"Nga thang in Leviathan d[104] kai zo in khau-in a leii hensak zo ding na hi hiam?

²A nak sungah khau khumin sikkawi-in a khaguh sunlet thei ding na hi hiam?

³Na lainat ding hong ngengen ding ahi hiam? Kamdamin nang hong hopih ding ahi hiam?

⁴A khantawnin na sila dinga na lak dingin nang tawh thuciam bawl ding ahi hiam?

⁵Vasa noh bangin amah no-in, na numeinote adingin khau na khih zo na diam?

⁶Sumbawlte in van tawh hong khek ding ahi hiam? Sumbukte lakah hawmthang ding uh ahi hiam?

⁷A vun ah ngapi-thal thun zo in, nga-teipi in a lu na bun zo ding hiam?

⁸A tungah na khutin va su lecin, a baihlohna thei in hih nawn kei niteh!

⁹Amah thuzawh ding lametna in khialhna ahi hi; a muhin mukha bek leng zong hong deepgawp pah hi.

¹⁰Amah phong ngam ding zaha hang kuamah a om kei hi. Tua ahileh kei langah kua pang thei ding ahi hiam?

¹¹Kei thuk pelmawh dingin kua in kei hong pia hiam? Van kikupsin nuai-a na khempeuh kei aa ahi hi.

¹²"Ama guh le tang, a hatna le a pum pianzia a kilawmna ka gen lo thei kei hi.

¹³Kua in a puan tungnung hawkkhiatsak thei hiam? Kua in a kamkaih bulh dingin naih ding ahi hiam?

¹⁴A kihtakhuai a hate a kigualh diudeuna a kam vangte kua in phensak ngam ding hiam?

¹⁵A nungzang ah lumphaw kigak cinten a gualgualin om e[105] a,

¹⁶khat le khat kizomin kicih bikbek ahi manin a kikal ah huih a thawl kei hi.

¹⁷Amaute khat le khat kimat bikbek uh hi; a vekun kimat bikbek a, a kikhenkhia thei kei hi.

¹⁸A hechiai in khuavak thehkhia ziahziah a; a mitte zingsang nisuak tunga nizang bang hi.

¹⁹A kam panin selkang kuang luangkhia a, mei-ek le mei-sii kikhawhkhia hi.

²⁰Pumpeng kicih tunga tuilum beela tui so bangin a nak vang panin meikhu suakkhia hi.

²¹A husan in meihol tawhkuang a, a kam panin mei kuang zalzal hi.

²²A ngawng ah hatna oma, a mai-ah lausakna masuan hi.

²³A satak kithuapnate kigak phitphet a, amaute kipin a kitaangsak thei kei hi.

²⁴A awm suang bangin sak a, angawina suangphah bangin a sak hi.

²⁵Amah a thawh ciangin thahatte lausak a; a khesik ging mai-ah amaute nung kik uh hi.

²⁶Namsau in kisat ta leh bangmah in vei lo a, teipi, thaltang le tulzumte in zong a bun zo kei hi.

²⁷Amah in sik, buhkung tawh kibangsak a, sumngo, singmuat tawh kibangsak hi.

²⁸Thaltang in amah taisak zo lo a, sailungtangte ama adingin buhvai bang hi.

²⁹Khetbuka sat lah buhphal a sat bang a, tulzuma khawh lah nuihsan lel hi.

³⁰A khecin belpei hiam bang a, buan lakah lokaihna hama bang hi,

³¹Amah in tui thukna lokin beelpeipi solai bangsaka, kizutna thawl bangin tuipi lokgawp hi.

³²Ama nungah tuihual kang dendan a, tuipi samkang nei kisa hi.

³³Leitungah ama kimpih khat beek om lo a - kihtak a nei lo ganhing ahi hi.

³⁴Amah in a kiphasakte khempeuh en niam a, a kisatheite khempeuh tungah kumpipa ahi hi," a ci hi.