Read Zokam Job 8 Bible Online

Job 8 - Zokam bible

Job 8

¹Tua ciangin Shuh mi Bildad in dawng a:

²"Tua bangte bangtanvei gengen lai ding na hi hiam? Na kammalte huihsia nung hi lel hi.

³Pasian in thutang lehzat ahi hiam? Thahatpa in thumaan lehzat ahi hiam?

⁴Na tate ama tungah a khialh ciangin amau mawhna dan amaute thuaksak hi.

⁵Ahi zongin Pasian zongin, Thahatpa tungah na thum ding leh,

⁶siangthoin na thutan nak leh, tu nangawnin amahmah nang tangin tho dinga na mun manah hong koihkik ding hi.

⁷Na kipat tungin a zawng ding na bat hangin mailam ah na dau pai ding hi.

⁸A khang masate dong lecin a pate uh sinsa na theikhia ding hi;

⁹ahang in, eite zandiaka suak hi hanga bangmah i thei kei hi; tuateh i leitung hun lah niliim bang bek ahi hi.

¹⁰Hong genin hong hilh thei buang lo ding uh ahi hiam? Amaute theihsa sung pan hong gen thei buang lo ding uh hiam?

¹¹Ciknawng om lohna ah laiphai kungte sang po zo ahi hiam? Tui loin pumpeng khang thei ahi hiam?

¹²A khansan laitakin a kivat kei zong lopa sangin keu baihzaw hi.

¹³Pasian a mangngilh mite nuntakna tua bang ahi hi; tua bangin Pasian mangngilhte lametna mangthang hi.

¹⁴Tua ama kimuanna kisia baih a, b[14] ama kingakna pangpaan ahi hi.

¹⁵A pangpaan tungah a kingak hangin a kikek hi; a tungah bawm a, ahi hangin tua in a khoh kei hi.

¹⁶Amah ni-onna munah limtaka tui kibuak singno huan sung tengah a zung a kha kawikawi;

¹⁷suang kiciangte kikalah a zung a kha, suang laka a zung khak nading a zong singkung tawh kibang hi.

¹⁸Ahi hangin a mun pan a kibawhkhiat ciangin tua mun in theikha nawn lo a, ‘Nang kong mu ngei kei hi,’ ci hi.

¹⁹Tua singkung hinna keucip mang a, tuateh tua lei hoih munah singno dangte a po takpi hi. c[15]

²⁰"Pasian in sitbaang lo mi nilkhia loin, gitlohna a semte khut a thakhauhsak kei takpi hi.

²¹Na kam dimdimin hong nuisak dinga, lungnuamin hong awngawngsak ding hi.

²²Maizumna in na galte, tuam dinga, mi gilote buk a om nawn kei ding hi," a ci hi.