Read Zokam Phatna-late 10 Bible Online

Phatna-late 10 - Zokam bible

Phatna-late 10

¹TOPA aw, bang dinga gamlapi ah ding na hi hiam? Bang hangin lungkham huna bu na hi hiam?

²Migilopa ki-uangsakin a thanemte sabetin benga ama gelsa ngimnate ah amaute a awksak hi.

³Amah in ama lungtang lunggulhna kisaktheihpih a; a huaihamte thupha pia-in TOPA a kosia hi.

⁴Migilo in a kisaktheihna hangin amah zong lo a; a ngaihsutna khempeuh ah Pasian ading mun a om kei hi.

⁵A hihnate daupai den a; amah kihisak mahmah in, na thukhamte amah tawh kigamla a, a galte khempeuh a ngiik hi.

⁶Amah le amah, "Bangmah in hong lok zo kenteh; lungdam tawntung in lungkhamna ka nei kei ding hi," a kici hi.

⁷Ama kam, hamsiatnate, zuauphuahnate le tawnnate tawh kidim a, a lei nuai-ah lungkhamna le gitlohna a om hi.

⁸Amah in khuaneute gei-ah munbu lak pan boksa-in pang a, a thahnop mite vil gige-in mawhpengte muansuamin a that hi.

⁹Humpinelkai bangin bukin pang a, a huh ding nei lote ngakin a tu hi; a huh ding nei lote manin ama lenthang sungah a kaigawp hi.

¹⁰A thahnop mite tuanzana amaute tukin; ama hatna nuai ah a puk uh hi.

¹¹Amah le amah, "Pasian in mangngilh ta hi; a mai huma, hong mu ngei lo hi," a kici hi.

¹²TOPA, tho dih ve! Pasian aw, na khut liikto dih in; a huh ding nei lote mangngilh kei in.

¹³Migilopa in bang hangin Pasian kosia ahi hiam? Bang hangin amah le amah, "Amah in thu hong sit kei na’nteh," kici ahi hiam?

¹⁴Ahi hangin nang, Pasian aw, lungkhamna le khasiatna mu dih in; na khut sungah lak na sawm hi. Nang tungah a thuakpa amah le a mah hong ki-ap a; nang pen pa nei lote huhpa na hi hi.

¹⁵Gilo a a tatsiapa ban kuaitan inla ama gitlohna thu sit dingin samin siit nei loin suahkhia in.

¹⁶TOPA a tawntungin Kumpi hi den a; ama gam panin minamte a kisia ding uh hi.

¹⁷TOPA aw, gimthuakte deihna na za a; amaute hanthawnin amaute kikona na ngai a,

¹⁸leitunga om mite in amaute a a lausak nawn loh nadingin, pa nei lote le a kinengniamte na dal hi.