Read Zokam Phatna-late 104 Bible Online

Phatna-late 104 - Zokam bible

Phatna-late 104

¹Ka hinna aw, TOPA phat in. Ka Pasian, TOPA aw, nang na lian mahmah a; nopcitna le thupina na silh hi.

²Amah in puan bangin khuavak silh a; puanbuk bangin vante zalin

³a inndei tungnung zawlpite amau tuite tungah a khung hi. Amah in meiipite sakolleng in nei a, huih khate tungah a tuang hi.

⁴Amah in thupuaka in huihte zang a[173] a nasemin meikuang a zang hi.

⁵Amah in a kikhin ngei lo dingin tua leitung bulkip tungah a nga hi.

⁶Puansilh bangin tui thukpi-in na tuam a; tuite in mualte tunglam ah a ding hi.

⁷Ahi hangin na taihilh ciangin tuite kikhenthang a, na vanging aw hangin a manlangin a tai uh hi;

⁸mual liante tungah luang uh a, amau adingin na sehsaksa kuamte sungah a tuaksuk ciat uh hi.

⁹Amau kantan theih loh dingin gamgi na khunga amaute in leitung a tuam kik ngei nawn kei ding uh hi.

¹⁰Amah in kuam thukpite sungah tuinakte tui sungsak a; mualte kikalah a luang hi.

¹¹Tuate in gamlak ganhingte khempeuh tui pia a; gamsung laate a dangtakna phasak hi.

¹²Huih lak vasate in tui gei ah bu tom uh a, singhiangte lakah khuang uh hi.

¹³Amah in inndei tungnungte panin mualliante tui buak a; a sepsa gahte-in leitung a tai hi.

¹⁴Amah in ganhonte adingin lopate posak a, mihingte hah dingin singnote a posak hi - tuate in lei panin an piangkhiasak a,

¹⁵mihing lungsim a nuamsak dingin zu, a mai a zolsak dingin sathau le a lungsim a hatsak dingin anlum a pia hi.

¹⁶TOPA singkungte, ama suansa Lebanon tamtakte in tui a kham uh hi.

¹⁷Tua lai-ah vasate in bu tom uh a; ngeital pite in taksing hawm innin a nei uh hi.

¹⁸Mual sangpite sathak aa hi-a, suanghengte bilpite b[174] adingin bukna ahi hi.

¹⁹Khapi in khuahunte khen a, ni in a tum hun ding a thei hi.

²⁰Nang in khua na mialsaka zan hi-in tulak gamsate khempeuh a gamta uh hi.

²¹Humpinelkaite in saman dingin hawk uh a, amau an ding Pasian tung pan a zong uh hi.

²²Ni suaka amaute gelmang in; ciah kik uh a, amaute kua ciat ah a lum uh hi.

²³Tua ciangin mite nasem dingin kuankhia uh a, nitak dong na a sem uh hi.

²⁴Na nasep tam si e maw, TOPA! Tuate khempeuh na pilna-in na bawl hi-a; na ganhingte leitung a dim uh hi.

²⁵A lian mahmah a zai mahmah tuipi om a, a sungah sim zawh loh ganhing - aneu alian a dimin omkhawm hi.

²⁶Tua lai-ah tembawpite kileh suk kilehto uh a, tua lai-a mawl dinga na bawl Leviathan zong a om hi.

²⁷Hihte khempeuh in a hunhuna na an piak ding ngak uh hi.

²⁸Amaute na piak ciangin amaute in khawm uh a; na khuta na piak khiat ciangin na hoihte-in a tai uh hi.

²⁹Na lehngatsan ciangin amaute patau uh a; a husan uh na laksak ciangin amaute si-in leivui suak uh hi.

³⁰Na Kha na sawl ciangin amaute kipiangsak a, lei maitang na puahpha hi.

³¹TOPA minthanna kip tawntung henla; TOPA a nasepte ah nuam ta hen.

³²Amah in leitung enin kiling a; mualliante lawngin meikhu a suak hi.

³³Ka nuntak laiteng TOPA la ka sak dinga; ka dam sung ka Pasian phatna la ka sa ding hi.

³⁴TOPA ah nuam ka sak bangin ka ngaihsutsutna in amah lungkimsak ta hen.

³⁵Ahi zongin leitung panin mawhneite bei mang uh henla migilo om nawn kei ta hen. Ka hinna aw, TOPA phat in. TOPA c[175] phat in.