Read Zokam Phatna-late 108 Bible Online

Phatna-late 108 - Zokam bible

Phatna-late 108

¹La khat. David phuah phatna-la khat Pasian aw, ka lungsim kip hi; ka hinna khempeuhin la sa-in ka gingsak ding hi.

²Harp le lyre khanglo dih un! Zingsang phalvak ka phong ding hi.

³TOPA aw, minamte lakah nang kong phat dinga; mite lakah nang, la-in kong sa ding hi.

⁴Ahang in, na itna lianin, vante sangin sangzaw a; na muanhuaina in huih khuate a ban hi.

⁵Pasian aw, vante tunglam ah hong kitawisang henla, na minthanna leitung teng dim hen.

⁶Na itte a kihutkhiat theih nadingin na khut taklamin kote hong hon inla hong huh in.

⁷Pasian in ama munsiangtho panin: "Gualzo-in Shechem ka phelkham dinga, Succoh Kuam ka tehkhia ding hi.

⁸Gilead kei aa hi-a, Manasseh kei aa ahi hi; Ephraim ka siklukhu hi a, Judah ka ciangkhut ahi hi.

⁹Moab ka kisilna tuikuangpi hi-a, Edom tungah ka khedap kaih ka sing a; Philistia tungah gualzo in ka kiko hi," ci-in gen khin hi.

¹⁰Kua in kulh nei khuapi ah kei hong puak ding ahi hiam? Kua in Edom hong tunpih ding hiam?

¹¹Pasian aw, kote hong nolh a, ka galkapte uh a kuanpih nawn lo, nang hi lo na hi hiam?

¹²Mihing huhna man nei lo ahi manin kote galdona ah hong huh in.

¹³Pasian tawh eite i gualzo dinga, amah in i galte a tuancil ding hi.