Read Zokam Phatna-late 11 Bible Online

Phatna-late 11 - Zokam bible

Phatna-late 11

¹Tumtheih makaipa ading. David phuah. TOPA ka beel hi. Bangci bangin kei tungah: "Vasa bangin na mual lamah taikhia in.

²Ahang in en dih ve, migilote in a lungsim sunga dingtangte kap dingin niliapna pan a thalpeu uh kamin a thaltangte uh thalpeu khau ah bulh uh hi.

³A bulpite uh a kisiat ciangin thumaante in bang hong lawh zo ding ahi hiam?" b[21] hong ci thei ding na hi hiam?

⁴TOPA a biakinn siangtho sungah om-a; TOPA ama vantung tokhom tungah om hi. Amah in mihing tapate encian a, a mitin amaute a sittel hi.

⁵TOPA in mi thumaante sittel-a, a hinna in migilote c[22] le ngongtatna nuamsate a mudah hi.

⁶Migilote tungah mei-am kuang le kaat kuang zusak dinga; amaute tanh huih sapi ahi ding hi.

⁷TOPA thumaan ahi manin thutang it a; a thutang mite in a mai mu ding uh hi.