Read Zokam Phatna-late 111 Bible Online

Phatna-late 111 - Zokam bible

Phatna-late 111

¹TOPA d[189] phat un. A thutangte kikhopna le mihonpi kikhopna ah ka lungsim neihzah in TOPA ka tawisang ding hi.

²TOPA nasepte lian a; tuate nuam a sa khempeuh in sutsut uh hi.

³Ama nasepte minthanna le thupina hi a, a thumaanna kip tawntung hi.

⁴Ama nalamdangte phawk den ding suaksak hi; TOPA in ahileh hehpih siamin khuatuah siam hi.

⁵Amah in amah kihtate an sik a; a thukhun a phawk tawntung hi.

⁶A nasepte’ vangliatna ama mite tungah lak khin a, minam dangte gam amaute a pia hi.

⁷Ama khuta a sepsate muanhuai-in thutang a; a thusehte khempeuh muantak hi.

⁸Tuate a tawntungin kip den a, muanhuaina le thutan’ na-a kisem ahi hi.

⁹Amah in a mite adingin tatkhiatna guan a; a thukhun kipsak denin - a min siangtho-in, lipkhaphuai hi.

¹⁰TOPA kihtakna in pilna kipatna hi-a; ama thusehte a zuite khempeuh in theihtelna hoih a nei uh hi. A tawntungin phatna ama aa ahi hi.