Read Zokam Phatna-late 112 Bible Online

Phatna-late 112 - Zokam bible

Phatna-late 112

¹TOPA f[190] phat un. TOPA kihta a, a thupiakte zuih nuam mahmah a sa te thupha ngah ahi hi.

²Ama tate leitung ah mi thahat hi ding uh a; akhang akhanga thutangte thupha kipia ding hi.

³A inn ah neih le lam hau dinga, ama thumaanna kip tawntung ding hi.

⁴A thutangte, a hehpih siamte, a khuatuah siamte le a thumaan mi g[191] adingin khuamial lak nangawn ah khua a vak hi.

⁵Cingh in a mawkna in mi leitawi a, thutanga vaihawmpa tungah a hoih a tung ding hi.

⁶Amah kiling ngei peuhmah lo dinga; a thumaan mi khat a kiphawk tawntung ding hi.

⁷Amah in thusia khat beek kihta lo dinga; TOPA muangin a lungsim a kip bikbek hi.

⁸A lungsim galmuanga bangmah a kihta kei hi; a tawpna ah a galte tungah gualzo in a en ding hi.

⁹Amah in mizawngte tungah letsongte hawmthang khina, a thumaanna kip tawntungin pahtawina-in a ki h[192] kisangsak ding hi.

¹⁰Migilo in mu in heh dinga, a ha gawi-in a patkhiamang ding hi; migilo lungtupte ahileh bangmah a suak kei ding hi.