Read Zokam Phatna-late 113 Bible Online

Phatna-late 113 - Zokam bible

Phatna-late 113

¹TOPA phat un. a[193] TOPA ’ nasemte aw phat un, TOPA min phat un.

²Tu le a tawntungin TOPA min kiphat ta hen.

³Ni a suahna mun pan a tumna mun dongin TOPA min phat ding ahi hi.

⁴Minamte khempeuh tungah TOPA kitawisang a, vante tungah a minthanna kitawisang hi.

⁵A sangna kumpi tokhom a tu-Pa, eite Pasian TOPA a bang kua om a,

⁶vante le leitung a ensuk kua om ahi hiam?

⁷Amah in leivui panin mizawngte phonga, vut phual panin a tasamte a laamto hi;

⁸amah in amau kumpitapate tawh tusak a, amau kumpitapate tawh a tukhawmsak hi.

⁹Amah in a lungnuam ta nei nupi bangin tasel numei a inn ah tengsak hi. TOPA phat un.