Read Zokam Phatna-late 115 Bible Online

Phatna-late 115 - Zokam bible

Phatna-late 115

¹Ko tung hi lo, TOPA aw, ko tung hi lo, na itna le na muanhuaina hangin nangma min kithangsak ta hen.

²Bang hangin minamte in, "Amaute Pasian koi ah om hiam?" ci uh ahi hiam?

³Eite Pasian vantungah om a; ama lungkim bangbang a sem hi.

⁴Ahi hangin amau milimte ngun le kham hi-a, mihing khuta kibawl ahi hi.

⁵Amaute in kam nei napi pau thei lo a, mit nei napi khua a mu thei kei uh hi;

⁶amaute in bil nei napi khua za thei lo a, nak nei napi anam za thei loin,

⁷amaute in khut nei napi zawt thei lo a, khe nei napi a pai thei kei uh hi; gawl nei napi aw zong a suaksak thei kei uh hi.

⁸Tuate a bawlte amaute tawh kibang dinga, tuate a muangte khempeuh zong amaute mah tawh a kibang ding uh hi.

⁹Israel innkuante aw, TOPA muang un - amah amaute huhpa le lum ahi hi.

¹⁰Aaron innkuante aw, TOPA muang un - a mah amaute huhpa le a lum uh ahi hi.

¹¹No amah a kihtate aw, TOPA muang un - a mah amaute huhpa le lum ahi hi.

¹²TOPA in eite hong phawkin thupha hong pia dinga: Israel innkuan thupha pia-in, Aaron innkuan thupha pia dinga,

¹³TOPA a kihtate - aneu alian a kibangin thupha pia ding hi.

¹⁴TOPA in note hong pungsak henla, note le na tate uh hong khangsak khawm hen.

¹⁵Leitung le vantung a Bawlpa, TOPA in note thupha hong pia hen.

¹⁶A sangpen vante TOPA aa hi-a, leitung ahileh mihingte a piaksa ahi hi.

¹⁷TOPA a phatte misite hi loin daihna muna a paisukte zong ahi kei hi;

¹⁸tu le a tawntunga TOPA a tawisangte eite i hi hi. TOPA b[194] phat un.