Read Zokam Phatna-late 116 Bible Online

Phatna-late 116 - Zokam bible

Phatna-late 116

¹TOPA in ka aw hong za-a; lainat ding ka ngetna hong za ahi manin amah ka it hi.

²Amah in a bil kei lam hong ngat ahi manin, ka nuntak sungteng amah ka sam ding hi.

³Sihna khauhualte in kei hong vial a, hankhuk a[195] lunggimnate ka tungah hong tungin; lungkhamna le dahna in hong zogawp hi.

⁴Tua ciangin TOPA min ka sam a: " TOPA aw, hong hon in!" ka ci hi.

⁵TOPA , hehpih siamin thumaan a; eite Pasian khuatuahna tawh a dim hi.

⁶TOPA in mi nunnemte dal hi; ka kisap mahmah ciangin hong hon hi.

⁷Ka hinna aw, TOPA nang tungah hoih khin ahi manin khatvei tawldam kik in.

⁸TOPA aw, nangin sihna panin ka hinna na hu a, khitui panin ka mit hu-in muktukna panin ka khete na hukhia hi;

⁹tua in a nungtate gama TOPA mai-ah ka pai theih nading ahi hi.

¹⁰Ka um hi; tua ahi ciangin, b[196] "Ka thuaksia mahmah hi," ka ci hi.

¹¹Ka cihmawh manin, "Mi khempeuh zuauphuak hi," ka ci hi.

¹²TOPA kei tungah a hoihna khempeuh bangci ka thuk thei ding hiam?

¹³Hotkhiatna hai domto in TOPA min ka lo ding hi.

¹⁴Ama mite khempeuh mai ah TOPA tunga ka kiciamna ka tangtungsak ding hi.

¹⁵TOPA muhna ah a misiangte sihna manpha hi.

¹⁶TOPA aw, nangma nasem ka hi taktak hi; keimah na nasem, na nasemnu’ c[197] tapa ka hi hi; ka sikkhainiangte panin kei nong khahkhia hi.

¹⁷Lungdamkoh biakna nang kong pia dinga, TOPA min kong lo ding hi.

¹⁸Ama mite khempeuh mai TOPA inn huang sung -

¹⁹Jerusalem aw nangma laizangah TOPA tunga ka kiciamnate ka tangtungsak ding hi. TOPA d[198] phat un.