Read Zokam Phatna-late 12 Bible Online

Phatna-late 12 - Zokam bible

Phatna-late 12

¹Tumtheih makaipa ading. a[23] tawh kizui in. David phatna-la khat. TOPA aw, pasian-mite om nawn lo uh a; mihingte lakah a muanhuaite maimang ta uh ahi manin hong huh in.

²Mi citeng in a vengpa kiangah zuauthu gena; maitang phatna mukin zuau phuaka gen uh hi.

³TOPA in maitangphatna muk khempeuh le a kisathei leiite atkhia hen;

⁴tuate in, "I leii-in i gualzo ding hi; i mukte eima neihsa ahi hi b[24] - i topa kua ahi hiam?" ci uh hi.

⁵"A zawngkhalte kinetniamna le a tasamte tauna hangin tu-in ka tho ta ding hi; "A selphote panin amaute ka dal ding hi," TOPA in a ci hi.

⁶TOPA kammalte paubang lo a, pummei tungman sungah sagihvei a kisiangsak ngun tawh kibang hi.

⁷TOPA aw, kote bittakin nong kem dinga, tua bang mite pan a tawntungin nong dal ding hi.

⁸Mite lakah thu gina lo a kipahtawi ciangin migi lote a vak hiathiat kawikawi uh hi.