Read Zokam Phatna-late 122 Bible Online

Phatna-late 122 - Zokam bible

Phatna-late 122

¹Kahtohna la. David phuah. "TOPA inn ah pai ni" hong cite tung ka nuam hi.

²Jerusalem aw, na kongpite sungah ka khete uh ding hi.

³Jerusalem in inn kinai ciktek a kilam khuapi tawh kibang hi.

⁴Tua lai-ah Israel tunga kipia ngeinakipte tawh kizui, TOPA’ min a phat dingin behte paito uh a, TOPA behte a paito uh hi.

⁵Tua lai-ah thukhenna kumpi tokhomte, David innkuante’ kumpi tokhomte a om hi.

⁶Jerusalem lungmuan nadingin thu ngen unla: "Nang hong itte galmuang uh hen.

⁷Na kulhte sungah lemna om henla na khuapi’ kulhpite sungah ngaihmuanna om ta hen," ci un.

⁸Ka sanggamte le ka lawmte khualna-in, "Nang sungah lemna om hen," ka ci ding hi.

⁹Eite Pasian TOPA inn ka khualna-in, na daupai nading ka zong ding hi.