Read Zokam Phatna-late 13 Bible Online

Phatna-late 13 - Zokam bible

Phatna-late 13

¹Tumtheih makaipa ading. David phatna-la khat. TOPA aw, bangtanvei sawt lai ding hiam? Kei hong mangngilh suak ding na hi hiam? Na maitang bangtanvei hong selsan lai ding na hi hiam?

²Ka ngaihsutnate tawh bangtanvei kibuan kul lai-in, nisimin ka lungsim dah lai ding ahi hiam? Ka galpa in bangtanvei kei hong zo lai ding ahi hiam?

³Keima Pasian TOPA aw, hong en inla hong dawng in. Ka mit nong vaksak kei leh sihna ah ka ihmu ding hi;

⁴ka galpa in, "Amah zo ta’ng ei!" ci dinga, ka puk ciangin ka galte nuam ding uh hi.

⁵Ahi hangin na itna kip ka muanga; na hotkhiatna ah ka lungsim kipak hi.

⁶Kei tungah TOPA hong hoih khin ahi manin amah la ka sak ding hi.