Read Zokam Phatna-late 130 Bible Online

Phatna-late 130 - Zokam bible

Phatna-late 130

¹Kahtohna la khat. TOPA aw, a thukna panin nang kong sam hi;

²Topa aw, ka aw za in. Nong lainat ding kong kohna na bil hong ngat in.

³TOPA aw, mawhnate ciamteh lecin TOPA aw, kua in thuak zo ding hiam?

⁴Ahi hangin mawhmaisakna nang tawh om ahimanin; nang hong kikihta hi.

⁵TOPA ka ngak hi, ka hinna in ngak a, ama thu ah ka lametna ka nga hi.

⁶Galvilte in zingsang a ngaklah sang, galvilte in zingsang a ngaklah sangin ka hinna in TOPA a ngaklah zaw hi.

⁷Israel aw, na lametna TOPA ah nga in, ahang in, TOPA pen itna kip hi-a, ama kiangah tatkhiatna kicing a om hi.

⁸Amah mah in amaute mawhna khempeuh panin Israel a tankhia ding hi.