Read Zokam Phatna-late 132 Bible Online

Phatna-late 132 - Zokam bible

Phatna-late 132

¹Kahtohna la khat. TOPA aw, David le ama thuak haksatna khempeuh phawk in.

²Ama’n TOPA tungah thu ciam-a, Jacob Thahat Pa tungah kiciamin:

³"Ka inn sungah lut loin ka lupna ah zong ka lum kei ding hi -

⁴ka mitte ka ihmusak kei dinga, ka mitkhute ka lususak kei ding hi.

⁵TOPA ading mun khat mu-a, Jacob Thahat Pa ading tenna ka muh mateng ka tuaci ding hi," ci hi.

⁶Eite in Ephrathah ah tua i za-a, Jaar a[208] gamlak ah i tuak hi: b[209]

⁷"Ama tenna mun ah pai-in; a khe ngakna phungah va bia ni -

⁸TOPA aw, tho in - na khawlna munah na hatna singkuangpi tawh hong pai in.

⁹Na siampite in thumaanna silh uh henla; na misiangte in nuamin la sa uh hen," a ci hi.

¹⁰Na nasempa David na khualna-in na sathau nilhpa nolh kei in.

¹¹David tungah TOPA kiciam a, a khel kik loh ding thu ciamin: "Nangma suante khat na kumpi tokhom ka luahsak ding hi -

¹²na tapate in ka thukhun le ka hilh ka ngeinakipte a zuih uh leh na kumpi tokhom ah a tawntungin tu den ding uh hi," a ci hi.

¹³TOPA in Zion teel khin ahi manin ama ten nadingin deih a:

¹⁴"Hih in a tawntunga ka khawlmun hi den ding hi; ka deihna mun ahi manin hih lai-ah ka tu ding hi -

¹⁵nek le dawn tampitakin thupha ka pia dinga; a mizawngte an-in ka taiisak ding hi.

¹⁶A siampite hotkhiatna ka silhsak dinga, a misiangthote in nuamin la sa den ding uh hi.

¹⁷"Hih lai-ah David adingin ki c[210] khat ka khangsak dinga ka sathau nilhpa adingin meivak khat ka tung ding hi.

¹⁸A galte maizumna ka silhsak dinga, ahi hangin ama lutunga lukhu a taang ding hi," ci khin hi.