Read Zokam Phatna-late 136 Bible Online

Phatna-late 136 - Zokam bible

Phatna-late 136

¹TOPA hoih ahi manin ama tungah lungdam ko un. Ama itna kip tawntung hi.

²Pasiante’ Pasian tungah lungdam ko un. Ama itna kip tawntung hi.

³Topate’ Topa tungah lungdam ko un: Ama itna kip tawntung hi.

⁴Nalamdang lianpite a bawl amah bek hi, Ama itna kip tawntung hi.

⁵ama theihtelna tawh vante a bawlpa, Ama itna kip tawntung hi.

⁶tuite tunga leitung a zalhpa, Ama itna kip tawntung hi.

⁷khuavak lianpite a bawlpa - Ama itna kip tawntung hi.

⁸sunhun nipi a uksakpa, Ama itna kip tawntung hi.

⁹zanhun khapi le aksite a uksakpa; Ama itna kip tawntung hi.

¹⁰Egypt ta masa a sat tukpa, Ama itna kip tawntung hi.

¹¹amaute lak panin Israel a paikhiatpihpa, Ama itna kip tawntung hi.

¹²a thahat khut le a ban zanpa; Ama itna kip tawntung hi.

¹³San Tuipi a[212] khenkhamin a nensuah pa, Ama itna kip tawntung hi.

¹⁴a laizang ah Israel a kantansakpa, Ama itna kip tawntung hi.

¹⁵ahi hangin Pharaoh le a galkapte San Tuipi sungah a maimangsakpa; Ama itna kip tawntung hi.

¹⁶ama mite sehnel-gam kantanin a pipa, Ama itna kip tawntung hi.

¹⁷kumpi liante a sattukpa, Ama itna kip tawntung hi.

¹⁸a thahat kumpite a thatpa - Ama itna kip tawntung hi.

¹⁹Amor-te kumpipa Sihon a thatpa Ama itna kip tawntung hi.

²⁰Boshan kumpipa Og a thatpa - Ama itna kip tawntung hi.

²¹amaute gam a goutanh dingun a piapa, Ama itna kip tawntung hi.

²²ama nasem Israel tungah goutanh khat ding a piapa; Ama itna kip tawntung hi.

²³eite niamna hong phawk gige Pa, Ama itna kip tawntung hi.

²⁴I galte pan hong suaktasakpa, Ama itna kip tawntung hi.

²⁵a nungta peuhmah an a piapa amah ahi hi. Ama itna kip tawntung hi.

²⁶Vantunga om Pasian tungah lungdam ko un. Ama itna kip tawntung hi.