Read Zokam Phatna-late 137 Bible Online

Phatna-late 137 - Zokam bible

Phatna-late 137

¹Zion ka phawk khak uh ciangin Babylon gunte gei-ah tu-in ka kap uh hi.

²Ahang in, tua lai-a muisum kungte tungah ka harp-te uh ka khai uh hi;

³sal-a hong kaite in la sa dingin hong sawl uh a, ko hong bawlsiate in nuamna la sa dingin hong sawl teitei uh hi; a maute in, "Zion la khat hong sak dih un!" hong ci uh hi.

⁴Gamdang a om kimlai TOPA late bangci sak theih ding ka hi uh hiam?

⁵Jerusalem aw, nang kong mangngilh takleh ka taklam khut in a siamna mangngilh ta hen.

⁶Ka lungnoppenna Jerusalem hisak loin nang kong phawk kei tak leh ka dang tungah ka leii belhcip ta hen.

⁷TOPA aw, Jerusalem puk ni- a Edom-te hih phawk in. Amaute in, "Phelkhia un, a bulkipte dong phelkhia un!" ci-in awng uh hi.

⁸Suksiat dinga sehsa Babylon Tanu aw, kote tunga nong hih bangin nang tungah hong thuk dingpa -

⁹na taneute manin suangpite velna-a a neipa mi lungdam ahi hi.