Read Zokam Phatna-late 138 Bible Online

Phatna-late 138 - Zokam bible

Phatna-late 138

¹David phuah. TOPA aw, ka lungsim neihzahin nang kong phat ding hi; "pasiante" mai-ah nangma phatna la ka sa ding hi.

²Nate khempeuh tungah na min le na thu tawisang khin na hi manin, nangma itna le na muanhuaina hangin na biakiin siangtho lam nga-in kunin na min ka phat ding hi.

³Kong sap ciangin nong dawng a; hong hangsansakin, nong lungkhauhsak hi.

⁴TOPA aw, leitung kumpite khempeuh in, na kam pana thute a zak uh ciangin nang hong phat uh hen.

⁵TOPA minthanna lian ahi manin amaute in TOPA lampite la in sa uh hen.

⁶A sangpi ah TOPA om taleh a tualniamte thudon-a, a gamlapi panin a kiphasakte a thei hi.

⁷Lungkhamna lakah ka pai hangin ka nuntakna hong hawisakin; a heh ka galte langah na khut na zankhia a, na khut taklamin nong honkhia hi.

⁸TOPA in kei adingin a tup a tangtun ding hi; TOPA aw, nangma itna kip tawntung hi - na khuta na sepsate nusia kei in.