Read Zokam Phatna-late 139 Bible Online

Phatna-late 139 - Zokam bible

Phatna-late 139

¹Tumtheih makaipa ading. David phuah. Phatna-la khat. TOPA aw, nang kei hong pheklekin nong thei khin hi.

²Ka heksuk, ka hektohna na thei hi; a gamlapi panin ka ngaihsutna nong tel hi.

³Ka pusuahna le ka lupna nong tel a; ka lampite khempeuh na theihsa ahi hi.

⁴Ka leii tungah kammal khat beek a omma-in teltakin na thei hi, TOPA aw.

⁵Ka nung ka ma ah nang, nong huai-a; ka tungah na khut na nga hi.

⁶Tua bang theihna kei adingin lamdang lua a, sang lua ahi ciangin ka ban zo kei hi.

⁷Nangma Kha pan koi ah pai thei ding ka hi hiam? Nang omna panin koi ah taimang thei ding ka hi hiam?

⁸Vante ah kahto leng, tua lai ah na om hi; a thuknate a[213] ah ka lupna phah leng tua lai-ah na om hi.

⁹Phalvak khate tungah tuangin tuipi gei gamlapi ah ka teng zongin

¹⁰tua lai nangawn ah na khutin kei hong makaih dinga, na khut taklam in kei hong lenkip ding hi.

¹¹"Khuamial in kei hong sel taktak dinga, ka kimkot ah khuavak, zan khuamial suak ding hi," ka ci zongin

¹²nang adingin khuamialpen nangawn a mial kei ding hi; nang aa in khuamial, khuavak tawh kibang ahi manin zan in sun bangin khua a vak ding hi.

¹³Ahang in, ka hinna sungnungpen dong nangma piansaksa hi-a; ka nu sul sungah kei nong khuituah khin hi.

¹⁴A lauhuaipi le a lamdangpi in kei hong kibawl ahi manin nang kong phat hi; na nasepte lamdang hi, cih teltakin ka thei hi.

¹⁵Munbu sungah kei hong kibawl lai-in, nang adingin ka guh ka tang kisel lo hi. Lei thukpi sungah kei hong kigattuah lai-in,

¹⁶pumpi ahi nai lo keimah na mitin nong mu hi. Kei adingin a kikipsaksa ni khempeuh khat beek a tun ma-in na laibu sungah a kigelh khin hi.

¹⁷Pasian aw, nang ngaihsutnate kei tung a[214] ah manpha si e! A kigawmna zai mahmah si e!

¹⁸Sim sawm hi leng, sehnel mal zah sangin tamzaw ding hi. Ka khanlawh ciangin nang tawh ka omkhawm lai hi.

¹⁹Pasian aw, migilote thatmai hoh lecin maw! No, sisan luangsak mite paikhiamang dih un!

²⁰Amaute in gitloh sawmin nang thu gen uh hi; na langte in na min zangkhial uh hi.

²¹TOPA aw, nang hong mudahte mudahin, nang langa pangte kih hilo ka hi hiam?

²²Amaute muhdahna sim loh bangmah ka nei kei hi; amaute ka galte in ka sim hi.

²³Pasian aw, kei hong pheklek inla, ka lungsim thei in; hong zia-et inla ka lunghimawhnate thei in.

²⁴Ka sungah langbawlna lampi khatpeuh a om kha hiam cih mu inla, tawntung lampi ah kei hong kha in.