Read Zokam Phatna-late 14 Bible Online

Phatna-late 14 - Zokam bible

Phatna-late 14

¹Tumtheih makaipa ading. David Phuah. Mihaipa c[25] in a lungsimin, "Pasian om kei," ci hi. Amaute kisiagawp uh a, a maute gamtatna siahuai hi; a hoih sem khat beek om lo uh hi.

²TOPA in van panin mihing tate a theitel khatpeuh, Pasian a zong khatpeuh a om hiam, cih a ensuk hi.

³A vekun lampial khin uh a, amaute a kisiakhawm khin uh hi; na hoih a sem khatbeek om lo a, khat nangawn a om kei hi.

⁴Mi in anlum a nek bangin ka mite a nawmvalhte, TOPA a ko lote, gitlohna a semte in sin ngei lo uh ahi hiam?

⁵Tua lai-ah thumaan mite Pasian in ompih ahi manin amaute launa in a tuamcip hi.

⁶No gitlohna a semte in mizawngte geelna na lawhsapsak uh hangin, amaute belh TOPA ahi hi.

⁷Zion panin Israel hotkhiatna hong pusuak leh maw! TOPA in a mite a ngeina a batsak ciangin, Jacob nuam henla Israel kipak hen!