Read Zokam Phatna-late 141 Bible Online

Phatna-late 141 - Zokam bible

Phatna-late 141

¹David phuah phatna-la khat. TOPA aw, nang kong sam hi; kei kiangah hong pai meng in. Nang kong sap ciangin ka aw hong za in.

²Na mai-ah ka thungetna gim namtui bangin hong kilui henla; ka laptoh khutte nitak biakpiakna bang hen.

³TOPA aw, ka kam a cing khat omsak inla; ka muk kongkhak cing in.

⁴Siatna hihte tawh gilo khawm dingin siatna ah ka lungsim, kaisak zo kei inla; amaute limsakte kei hong nesak kei in.

⁵Thumaan mi a[215] in kei hong sat hen - tua in migitna ahi hi; ama’n kei hong tai hen - tua in ka lutungah sathau ahi hi. Ka lutang in tua nial lo ding hi. Tua hi napi, ka thungetna in siatna bawlte langpan gige hi;

⁶a gam-ukte uh kenbang pan kisawnkhiasuk dinga, tua ciangin migilote in ka thugente a hoih lam thei ding uh hi.

⁷Amaute in, "Mi khat in lo kho a, lei a kalhkhap bangin ka guhte uh hankhuk b[216] gongah a kithehthang hi," ci ding uh hi.

⁸Ahi hangin Thuneipen TOPA aw, mit khah loin nang kong en a; nang sungah kong bu hi - kei hong sisak kei in.

⁹Amaute in kei hong siahna thangte pan le siatna bawlte siah thangte panin kei hong kem in.

¹⁰Kei suakta a ka khen’ khit ciangin amau lenthangte sung mah ah migilote puksak hi.