Read Zokam Phatna-late 142 Bible Online

Phatna-late 142 - Zokam bible

Phatna-late 142

¹David phuah c[217] khat. Suanghawm sunga a om hunlai; Thungetna. TOPA tungah ngaihtakin ka kiko a; TOPA tungah lainatna ngenin ka aw ka sangsak hi.

²Ama mai-ah ka lungkimlohna ka sungkhia a; ama mai-ah ka lungkhamna ka ko hi.

³Ka sungah ka kha a zawm ciangin ka lampi a thei nangmah na hi hi. Ka tot lampi ah mite in kei thang hong siah sim uh hi.

⁴Ka taklam en inla mu in kuamah in kei hong awlmawh lo uh hi. Belh nading ka nei kei a; kuamah in ka nuntakna a thusim kei hi.

⁵TOPA aw, nangmah kong sam hi; "Nangmah ka belh, a nungta gamah keima tanh na hi hi," ka ci hi.

⁶Ka kikona hong ngai in, kong kisam mahmah hi; kei adingin hong delhte hat lua uh ahi manin amaute pan hong hu in.

⁷Na min ka phat theih nadingin thong sung panin hong khahkhia in. Tua ciangin kei tungah nong hoihna hangin a thumaante ka kimah hong kikawm ding uh hi.