Read Zokam Phatna-late 145 Bible Online

Phatna-late 145 - Zokam bible

Phatna-late 145

¹Phatna-la a phatna khat. David phuah. Keima Pasian Kumpipa, nang kong tawisang ding hi; a tawntungin na min ka phat den ding hi.

²Nisimin nang hong phatin a tawntungin na min ka tawisang den ding hi.

³TOPA lian hi, a phattak pen ahi hi; ama liatna kuamah in teh thei lo hi.

⁴Khang khat in khang dang khat tungah na nasepte phat ding uh a; amaute in nangma nasep thahatte a gen ding uh hi.

⁵Amaute in na thupina a liatna le a thanna gen ding uh a, na nasep d[220] lamdangte ka lungngaingai ding hi.

⁶Amaute in na nasepna a mulkimhuaite a vangliatna gen ding uh a, ke’n bel na nasepna lianpite ka tangko ding hi.

⁷Amaute in na hoihna kicingte ai ding uh a, na thumaanna lungnuamtakin sa ding uh hi.

⁸TOPA in mi hehpih siamin khuatuah nuam a, heh hakin itna a hau hi.

⁹Mi khempeuh tungah TOPA hoih a; a bawlsa khempeuh a khuatuah hi.

¹⁰TOPA aw, na bawlsa khempeuh in nang hong phat ding uh a; na misiangte in hong tawisang ding uh hi.

¹¹Amaute in na kumpi-gam minthanna genkhia ding uh a, na thahatna zong gen ding uh hi,

¹²tua in na nasepna thahatte le na kumpi thupi na le minthanna mi khempeuh in a theih nading ahi hi.

¹³Na kumpi-gam pen tawntung kumpi-gam hi-a, na kumpi ukna zong khang tawntungin a kip hi. A thuciam khempeuh ah TOPA muanhuai-a, a bawlsate khempeuh a it hi, e[221]

¹⁴TOPA in a pukte khempeuh lenkipin a kunsukte a phongto hi.

¹⁵Mit khempeuh in nang hong mitsuan uh a, a hunhunin amaute an na pia hi.

¹⁶Na khutpek na zal-a a nungta peuhmah amau lunggulhin na taiisak hi.

¹⁷Ama lampi khempeuh ah TOPA thumaan a, a bawlsate khempeuh a it hi.

¹⁸TOPA in amah a sam khempeuh, thutak-a amah a sam khempeuh a nai hi.

¹⁹Amah in amah a kihtate deihna tangtungsak a; amaute kikona za-in a honkhia hi.

²⁰TOPA in amah a it khempeuh cinga, migilote ahileh a susia ding hi.

²¹Ka kam in TOPA phatna a gen ding hi. A nungta peuhmah in a tawntungin a min siangtho phatden uh hen.