Read Zokam Phatna-late 146 Bible Online

Phatna-late 146 - Zokam bible

Phatna-late 146

¹TOPA phat un. a[222] Ka hinna aw, TOPA phat in.

²Ka nuntakna khempeuhin TOPA ka phat ding hi; ka nuntak laiteng ka Pasian phatna ka sa ding hi.

³Kuamah a hon thei lo kumpitapate, a si mihingte muang kei in.

⁴Amaute kha a paikhiat ciangin lei ah ciah kik uh a; tua ni mah in amaute ngimna bangmah suak lo hi.

⁵Ama huhpa-a Jacob Pasian a nei mi, a lametna ama Pasian, TOPA ah a nga mi thupha ngah ahi hi.

⁶Amah leitung le vantung, tuipi le a sunga om peuhmah a Bawlpa - tua TOPA a tawntungin muanhuai den hi.

⁷Amah in a kinengniamte’ thu lenkip-a, a gilkialte an a pia hi. TOPA in thongkiate khahkhia in,

⁸TOPA in mittawte khua musak a, TOPA in a kunsukte phongto in TOPA in a thumaante a it hi.

⁹TOPA in pemtate cinga, pa nei lote le meigongte vakin migilote lampi ahileh a maimangsak hi.

¹⁰TOPA in uk tawntung a, Zion aw, na Pasian in khang tawntungin uk hi. TOPA phat un.