Read Zokam Phatna-late 148 Bible Online

Phatna-late 148 - Zokam bible

Phatna-late 148

¹TOPA phat un. a[224] Vante panin TOPA phat un, tunglam asannate ah amah phat un;

²ama vansawltakte khempeuh aw, amah phat un, ama vantung mihonpi khempeuh aw amah phat un,

³Nipi le khapi aw amah phat un, no, a tang aksite khempeuh aw amah phat un.

⁴No a sangpen vante le huihkhua tunglam a tuite aw amah phat un.

⁵TOPA in thu pia-a amaute piang ahi manin ama min phat uh hen.

⁶Amah in amau mun tekah a tawntungin omsak den hi; amah in a mangthang ngei lo ding thukip amaute a pia hi.

⁷No tuipi ganhing lianpite le tuipi lian thuknate,

⁸no, khuaphia le gial, vuk le meiite, ama thu a mang huihpite,

⁹no mualliante le mualneute khempeuh, nek theih kungte le tamtakte khempeuh,

¹⁰no gamsate le inn sate khempeuh, ganhing neute le a leng vasate,

¹¹no leitung kumpite le minamte khempeuh, leitunga kumpitapate le thukhente khempeuh,

¹²nungakte le tangvalte, naupangte le khanghamte khempeuh aw, leitung panin TOPA phat un.

¹³Ama min bek kitawisang ahi manin amaute in TOPA phat uh hen; ama thupina lei le vante tunglam ah a om hi.

¹⁴Ama lungsim tawh a kituak Israel misiangte khempeuh phatna ki b[225] khat a mite adingin a khangkhiasak hi. TOPA phat un.