Read Zokam Phatna-late 149 Bible Online

Phatna-late 149 - Zokam bible

Phatna-late 149

¹TOPA phat un. c[226] TOPA lathak khat sak un, misiangte kikhopna ah amah phatna-in nei un.

²Amaute a Bawlpa tungah Israel nuam hen; amau kumpipa tungah Zion mite kipaak uh hen.

³Amaute lamin a min phat uh henla khuangta le harp amah tum uh hen.

⁴Ahang in, a mite tungah TOPA lungtai a, a kiniamkhiatte hotkhiatna a khusak hi.

⁵Hih pahtawina ah misiangte nuam uh henla amau lupna tungah lungnuamin la sa uh hen.

⁶Amaute kam panin Pasian kiphat henla a langnih a hiam namsau a khut uh tawh tawi in

⁷minamte tungah phu la uh henla, mite tungah dan pia-in,

⁸a kumpite uh khekol in henin a uliante uh sikkol bulhsak uh henla

⁹amaute thuak dinga kigelhsa thuaksak uh hen. Hih in ama misiangte khempeuh minthanna ahi hi. TOPA phat un.