Read Zokam Phatna-late 16 Bible Online

Phatna-late 16 - Zokam bible

Phatna-late 16

¹David’ a[26] khat. Pasian aw, nang kong bel hi, bittakin hong kem in.

²TOPA tungah, "Nang, ka Topa na hi hi; nang longal na hoih dang ka nei kei hi," ka ci hi.

³Leitung a om misiangte ahileh ka lungkimna b[27] khempeuh kicinna - mi minthangte ahi uh hi.

⁴Adang pasiante a delhte dahna a khang ding hi. Sisana a biaknate uh ka sungkhia kei dinga, ka muk panin a min uh zong ka lo tuan kei ding hi.

⁵TOPA, kei tanh le ka hai na sehkhin a; ka goutanh na kipsak khin hi.

⁶Kei adingin gamgi khennate in mun nuamte a huam hi; a lungkimhuai gouluah ka nei takpi hi.

⁷Thu hong kuppih TOPA ka phat ding hi; zan nangawnin ka lungsim in thu hong hilh hi.

⁸Ka mai-ah TOPA ka omsak tawntung hi. Amah ka taklam ah om ahi manin hong kilingsak kei ding hi.

⁹Tua hangin ka lungsim kipak a, ka leii a nuam hi; ka pumpi zong lungmuangin a tawlnga ding hi.

¹⁰Bang hang hiam cih leh hankhuk c[28] ah kei nong nusia kei dinga, nangma Siangtho Pa d[29] zong na muatsak kei ding hi.

¹¹Nang in nuntakna lampi nong theisak e[30] khin a; na omna ah lungnopna, na taklam ah tawntung nopsaknate tawh kei nong dimsak ding hi.