Read Zokam Phatna-late 19 Bible Online

Phatna-late 19 - Zokam bible

Phatna-late 19

¹Tumtheih makaipa ading. David phatna-la khat. Vante in Pasian minthanna pulak uh a; huihkhuate in a khutte sepna a tangko uh hi.

²Amaute in ani ni-in kampaute sungkhia uh a; zan simin theihna a laakkhia uh hi.

³Amaute aw a kizaklohna pau le kampau a om kei hi. a[35]

⁴Amaute aw b[36], leitung khempeuh ah gingkhia a, a kammalte uh leimongte dongin a kizel hi. Vante lakah ni adingin puanbuk lam a,

⁵ni lah ama kizepna mun pana pusuakkhia zipipa le kidemna ding a lawp a hatpenpa tawh kibang hi.

⁶Vante mong khat pan suakin, a mongkhat dong kimvel a; a satna panin bangmah a kiliah kei hi.

⁷TOPA thukham hoihkima hinna a puahpha hi. TOPA’ ngeinakipte muantaka, mimawlte a pilsak hi.

⁸TOPA’ pattahnate maana lungsim nuamsak hi. TOPA’ thusehte vaam a mitte a vaksak hi.

⁹TOPA kihtakna siang a, a kip tawntung hi. TOPA ngeina khunsa kician a, thumaan vive ahi hi.

¹⁰Tuate kham sangin manphazaw a, kham citak sangin a manphazaw tham hi; tuate khuaizu sangin khumzaw a, khuailu zu sangin a khumzaw hi.

¹¹Tuate-in na nasempa kivauhilh a; tuate zuihna hangin pahtakman lianpi kingah hi.

¹²Kua in ama khialhnate khentel thei ahi hiam? A kisel ka khialhnate hong maisak in.

¹³Mawhnop teiteina panin na nasempa kem inla; tuate kei tungah hong uksak kei in. Tua ciangin ka genbaang kei dinga, mawhna lian panin ka mawhpeng ding hi.

¹⁴Keima TOPA ka Suangpi le ka Tanpa aw, ka kampau malte le ka ngaihsutsutte, nang muhna ah a lungkimhuai hi ta hen.