Read Zokam Phatna-late 2 Bible Online

Phatna-late 2 - Zokam bible

Phatna-late 2

¹Bang hangin minamte kipawl sim a[1] in, mite in a mawknapi sawmsim uh hiam?

²TOPA le Ama Sathau-nilh Pa b[2] langkhatah leitung kumpite pangkhawmin gam-ukte kikaikhawm uh hi.

³"Amaute sikkhainiangte sutatin, amau kolte lawnkhia ni," a ci uh hi.

⁴Vantunga tu-Pa nui a; Topa in amaute a zahko hi.

⁵Tua ciangin amah hehin taihilhin, a thangpaihna tawh linthawn a,

⁶"Ka mual siangtho Zion tungah ka Kumpipa c[3] ka tusak khin hi." a ci hi.

⁷TOPA thukip ka tangko ding hi. Amah in, "Nang ka Tapa d[4] na hi hi tu ni-in kei na Pa e[5] ka suakkhin hi.

⁸Hong ngen in, minamte na gouluah suaksakin leimong dong nang neihsa ka suaksak ding hi.

⁹Amaute sik ciangkhutin f[6] na uk dinga, belseek bangin amaute na dengzan ding hi," hong ci hi.

¹⁰Tua ahi ciangin no kumpite aw, pil un; leitung gam-ukte aw, vauhilhna thei un.

¹¹Lau kawmin TOPA na sem unla, ling kawmin nuam un.

¹²Tapa nam un, tua hi kei leh amah heh kha dinga, ama thangpaihna thakhatin kuang thei ahi manin na lampi-ah hong susia kha ding hi. Amah a bel mi khempeuh thupha ngah ahi hi.