Read Zokam Phatna-late 20 Bible Online

Phatna-late 20 - Zokam bible

Phatna-late 20

¹Tumtheih makaipa ading. David phatna-la khat. Na lungdon ciangin TOPA in hong dawng henla; Jacob’ Pasian min-in nang hong dal hen.

²Mun siangtho panin nang huhna hong sawl henla, nang panpihna Zion panin hong pia ta hen.

³Na biakpiaknate khempeuh phawk henla na meihal biakna hong sang ta hen.

⁴Na lungsim deihna hong pia henla na geelna khempeuh hong tungsak ta hen.

⁵Na gualzawh ciangin lung nuamin ka kiko ding uh a, kote Pasian minin ka dialkhaite uh ka laamto ding uh hi. TOPA in na nget khempeuh hong pia ta hen.

⁶TOPA in a sathau-nilhsa a hotkhiat lam tu in ka thei hi; amah in ama vantung siangtho panin a hotkhiatna taklam khut vanglian-in, a mah a dawng hi.

⁷Pawlkhat in sakolleng muang uh a, pawlkhatte in sakolte a muang uh hi, ei te in i hi leh TOPA eite Pasian min i muang hi.

⁸Amaute khuptukin a puk uh hi, ei te in i hi leh tho in kiptakin i ding hi.

⁹TOPA aw, kumpipa honkhia in! Kong sap uh ciangin hong dawng a[37] in!