Read Zokam Phatna-late 22 Bible Online

Phatna-late 22 - Zokam bible

Phatna-late 22

¹Thumtheih makaipa ading. "Bilpi nu Zing aw" in David phatna-la khat. Ka Pasian, ka Pasian, bang hangin kei hong taisan na hi hiam? Bang hang kei nong hotkhiat nading pan gamla a, ka tauna kammalte pan gamla na hi hiam?

²Ka Pasian aw, sunin kong kiko hangin nong dawng kei a, zan in ka dai tuan kei hi.

³Tua hi napi nang Siangtho Pa in na tu a, Israel b[38] phatna nang na hi hi.

⁴Ka pate un nang hong muang uh a; amaute in hong muang uh ahi manin na hukhia hi.

⁵Amaute nang tung hong kiko uh a, a kihonkhia hi; amaute in nang hong muang uh a a zahlak kei uh hi.

⁶Ahi hangin kei tangtel ka hi-a, mihing ka hi kei hi; mite in hong simmawhin hong hua uh hi.

⁷Kei hong mu khempeuh in hong zahko in; hong engko in, hong lupeisan uh a;

⁸"Amah in TOPA muang hi; TOPA in amah hukhia hen, ama sungah nuamsa ahileh amah in amah hukhia hen," hong cihsan uh hi.

⁹Tua hi napi sul sung pan kei nong lakhia a; kanu ang pan nangawnin nang nong muangsak hi.

¹⁰Ka suah a kipan nang tungah kong kinga a; ka nu sul a kipan ka Pasian na hi khin hi.

¹¹Lungkhamna hong nai a, hong huh ding omlo ahi manin gamla ah hong omsan kei in.

¹²Bawngtal tampi in kei hong um uh a; Bashan bawngtal hatte in kei hong umcih uh hi.

¹³A samat balzana hawk humpinelkaite in a kam uh zapi in hong katsan uh hi.

¹⁴Tui bangin hong kisungkhia a, ka guh khempeuh a kilawi khin hi. Ka lungtang khuainun suak a; a sungah tuisuakmang khin hi.

¹⁵Ka thahatna belpei bangin keucipin ka dangtung ah ka leii belh a; nang in sihna leivui lakah kei a[39] nong sial hi.

¹⁶Uite in kei hong um uh a; migilo hon in kei hong umcihin, amaute in ka khut le ka khete a sunlet b[40] uh hi.

¹⁷Ka guhte khempeuh ka sim thei a; mite in hong en gega in hong awibek uh hi.

¹⁸Amaute in ka puansilhte hawm uh a, ka puan a hawm nadingun ai a lawn uh hi.

¹⁹Ahi hangin TOPA aw, nang gamla om lua kei in; ka Thahatna aw, hong huh dingin hong kuan meng in.

²⁰Namsau panin ka nuntakna hu inla; uite vangliatna pan a manpha ka nuntakna hukhia in.

²¹Humpineikaite kam pan kei hong hukhia inla; gam bawngtal kite panin kei hong hon c[41] in.

²²Ka sanggamte tungah na min ka pulak dinga; a kikhawm mipi lakah nang kong phat ding hi.

²³TOPA a kihta note aw, amah phat un! No Jacob suante khempeuh aw, amah pahtawi un! No Israel suante khempeuh aw, amah zahtak un!

²⁴Ahang in, a thuaksiapa thuakna simmawh lo neu-et lo a; amah panin a maitang sel loin, huh dinga a kikona a ngaihsak zaw hi.

²⁵Kikhawm mi tampitak lakah ka phatna thubulpi nang panin hong pai a; nang d[42] hong kihtate mai-ah ka kiciamnate ka tangtungsak ding hi.

²⁶Mizawngte in ne in taii ding uh a; TOPA a zongte in amah a phat ding uh hi - na lungtangte uh hing den ta hen!

²⁷Leimong khempeuh dongin phawk kik in, TOPA lamah kihei ding uh a, minam innkuante khempeuh ama mai-ah a kun ding uh hi;

²⁸ahang in, kumpi-gam TOPA aa hi a, amah in minamte a uk hi.

²⁹Leitung mihau khempeuh in pawibawlin bia ding uh a; amau le amau a nungta dingin a kikem thei lo - leivui ah a paisukte khempeuh ama mai ah a khukdin ding uh hi.

³⁰Khangsawnte in na sem ding uh a; mailam a khangsawnte tungah Topa thu a kigen ding hi.

³¹Aman sem khinzo ahi manin a suak nai lote tungah ama thumaanna amaute in a tangko ding uh hi.