Read Zokam Phatna-late 24 Bible Online

Phatna-late 24 - Zokam bible

Phatna-late 24

¹David phuah Phatna-la khat. Leitang le a sunga teng khempeuh, leitung le a tunga tengte TOPA aa ahi hi,

²ahang in amah in tuipite tungah leitung phuta tui tungah a kipsak hi.

³TOPA’ mual ah kua kahto thei ahi hiam? A mun siangtho ah kua ding thei ahi hiam?

⁴Khut siangtho le lungsim siang a nei mi, ama hinna milim lam a ngat lo ahikeh zuauthu-a a[44] kiciam lo mi a ding thei hi.

⁵Amah in TOPA tung panin thupha ngah dinga, ama Honpa Pasian panin diksakna a ngah ding hi.

⁶Nang hong zong na mai hong zong khang mite tua bang ahi uh hi, Jacob’ b[45] Pasian aw.

⁷No kongpite aw, na lute uh laamto un; no tanglai kongpite aw, minthang Kumpipa a tumtheih nadingin kilaamto un.

⁸Hih minthang Kumpipa kua a hiam? A thakhauh a thahat TOPA, galsimna ah a thahat TOPA ahi hi.

⁹No kongpite aw, na lute uh laamto un, no tanglai kongpite aw, minthang Kumpipa a tumtheih nadingin tuate laamto un.

¹⁰Hih minthang Kumpipa amah kua ahi hiam? A Thahatpen TOPA - amah minthang Kumpipa ahi hi.