Read Zokam Phatna-late 26 Bible Online

Phatna-late 26 - Zokam bible

Phatna-late 26

¹David phuah Genbaang lo a nungta ka hi manin, dik hong tangsak in TOPA aw; lunghiang loin TOPA kong muang hi.

²Hong zia-et in TOPA aw, kei hong sin dih in, ka lungtang le ka lungsim hong sittel in;

³nangma itna ka mai-ah om tawntung ahi manin, na thutak ah ka kalsuan den hi.

⁴Zuauthei mi tawh tukhawm loin kineihsiamte tawh ka kikhawl kei hi.

⁵Asia-a gamtate kikhopna ka kih a, mi gilote tawh ka tutkhawm ding ka nial hi.

⁶Mawhpengin ka khut ka sil a, na biakna-tau kimkotah ka pai hi TOPA aw,

⁷ngaihtakin nang phatna ka tangko a, na sepsa a lamdang khempeuh ka gengen hi.

⁸Na tenna inn, na minthanna tenna mun ka it hi, TOPA aw.

⁹Ka hinna mawhneite tawh, ka nuntakna sisan suah mite tawh lakhawm mang kei in;

¹⁰amaute khut in gitloh sawma, a ziatlam khut uh golhgukte tawh a kidim hi.

¹¹Ahi hangin kei kawkbaang loinka nungta hi; hong tankhia inla kei hong lainat in.

¹²Lei taamna ah ka ding hi; mi tampitak kikhopna ah TOPA ka phat ding hi.