Read Zokam Phatna-late 27 Bible Online

Phatna-late 27 - Zokam bible

Phatna-late 27

¹David phuah TOPA in ka khuavak le ka hotkhiatna ahi hi - kua lau ding ka hi hiam? TOPA ka nuntakna kulh muanhuai ahi hi - kua lau ding ka hi hiam?

²Ka sa a[46] nawmvalh dingin migilote hong kuan uh ciang, ka galte le ka langte in kei hong sim uh ciangin, amaute kimuktu in a puk ding uh hi.

³Galkap honin kei hong umcih zongin ka lunglau kei ding hi; ka langah gal in hong do zongin tua ciang nangawnin ka kimuang lai ding hi.

⁴TOPA thu khat ka donga ka zon hih ahi hi: ka nuntak sung tawntung TOPA inn sungah ka ten theih nading, TOPA mel hoihna enin ama biakinnpi ah amah ka zon theih nading ahi hi.

⁵Ahang in, lungkham hunin ama tenna sungah lungmuangin kei hong kemin, a biakbuk liim sungah kei hong seel dinga, suangpi khat tungah kei hong koih to ding hi.

⁶Tua ciangin hong umcih galte tungsan ah ka lu kitawisangin lungdamna aw tawh kiko-in a biakbuk ah biakna ka pia dinga; la sakin TOPA tungah tumtheih ka tum ding hi.

⁷Kong sap ciangin ka aw za in, TOPA aw; kei hong lainat inla hong dawng in.

⁸Ka lungtang in, "Ama b[47] mai zong sin!" hong ci hi. TOPA, na maitang kong zong ding hi.

⁹Na maitang hong seelsan kei inla na nasempa hehsa-in hong nawhkhia kei in; kei hong huhpa nang na hi hi. Hong nolh kei inla zong hong taisan kei in, ka Honpa Pasian aw.

¹⁰Ka nu le ka pa in hong taisan uh zongin, TOPA in kei hong sang ding hi.

¹¹TOPA aw, na zia hong hilh inla; kei hong nuainette hangin lampi tang ah kei hong pi in.

¹²Ka galte deihna ah kei hong puak kei in; teci zuaute kei langah pang uh a, ngongtatna huu a sangkhia uh hi.

¹³Hih thu ah ka kimuang lailai hi: A nungtate gamah TOPA hoihna ka mu ding hi.

¹⁴TOPA ngak in; kihatsakin kilungkhauhsak inla TOPA ngak in.