Read Zokam Phatna-late 29 Bible Online

Phatna-late 29 - Zokam bible

Phatna-late 29

¹David phatna-la khat. Mi thahatte aw, TOPA aa ci un, minthanna le thahatna TOPA aa ci un.

²Ama min tawh kituak minthanna pen TOPA aa ci un; ama a[48] sianthona’ thupina ah TOPA bia un.

³TOPA awging tuite tungah om a, Pasian minthanna vanpi in ginga, tui thahatte tungah TOPA vanpi ging hi.

⁴TOPA awging vanglian a, TOPA awging thupi hi.

⁵TOPA awging in tamtak singte ekkham a; TOPA in Lebanon tamtakte a tennen hi.

⁶Amah in bawngno bangin Lebanon zuansak a, gam bawngtalno bangin Sirion b[49] a diangsak hi.

⁷TOPA awging khuaphia-in tang hi.

⁸TOPA awnging in sehnel-gam lok-a; TOPA in Kadesh Sehnel-gam a lok hi.

⁹TOPA in tawsaw singte c[50] huihek a, tulakte hawkkhia-in a kolhsak hi. Ama biakinnpi sungah mi khempeuh in, "Minthanna!" ci-in kiko uh hi.

¹⁰Tuikhang tungah Kumpi tokhomin TOPA tu d[51] a; Kumpi tokhom ah TOPA kumpi-in a tu tawntung hi.

¹¹TOPA in a mite thahatna guana; TOPA in a mite lemna tawh thupha a pia hi.