Read Zokam Phatna-late 3 Bible Online

Phatna-late 3 - Zokam bible

Phatna-late 3

¹David phatna-la khat. A tapa Absalom pan a tai a. TOPA aw, ka gal tam na lawmlawm e! Kei hong langpan tam mahmah si e!

²Kei tawh kisai-in mi tampi in, "Pasian in amah a hu kei ding hi," ci uh hi. a[7]

³Ahi hangin TOPA aw, keima kimkota lum nang na hi-a; ka lu hong phongto b[8] ka minthanna na hi hi.

⁴TOPA tungah nakpi in ka kiko a, amah in a mual siangtho panin hong dawng hi.

⁵Lumsukin ka ihmu a; TOPA in hong kem ahi manin ka khanglo kik hi.

⁶Ka kim ka pam panin hong langpan tulsawm tampite ka kihta kei ding hi.

⁷TOPA aw, tho in! Kei hong hu in, ka Pasian aw! Ka galte khempeuh a khaguh ah sat inla; migilote’ hate sutan in.

⁸TOPA tung panin kihutna hong pai ahi hi. Na mite tungah nangma thupha om ta hen.