Read Zokam Phatna-late 30 Bible Online

Phatna-late 30 - Zokam bible

Phatna-late 30

¹Phatna-la khat. La khat. Biakinnpi e[52] ap nading David phuah. TOPA aw, nang kong tawisang ding hi, a thuknate panin kei nong laamto a, ka galte kei tungah kisial sak lo na hi manin

²keima Pasian TOPA aw, hong huh dingin kong sama, kei nong damsak hi.

³TOPA aw, hankhuk f[53] panin kei nong lakhia-to a; gum sunga kia ding kimlai kei nong hawilai hi.

⁴No ama misiangte aw, TOPA la sak un; ama min siangtho phat un.

⁵Ahang in, ama hehna tomno sung bek hi-a, ahi hangin ama angvanna nuntak sungteng ahi hi; kahna zan khat sung hi kha dinga zingsang in nuamna hong tung hi.

⁶Ngaihmuang ka kisak ciangin, "Ka kiling ngei kei ding hi," ka ci hi.

⁷TOPA aw, kei nong angvan ciangin ka mualpi g[54] kiptak na dingsak a; na maitang na sel ciang ahileh ka lungmang hi.

⁸TOPA aw, nang kong sam hi; Topa tungah lainatna ngenin kong kiko a:

⁹"Keima siatna h[55] le gum sunga ka paisukna ah bang phatuamna om a hi hiam? Leivui in nang hong phat ding ahi hiam? Na muanhuaina amah in tangko ding ahi hiam?

¹⁰TOPA aw, hong za inla kei hong lainat in; TOPA aw, kei hong huh in," kong ci hi.

¹¹Ka thumna, lamna na suaksak a; ka puanhampi puan suahkhia-in lungnopna nong silhsak hi,

¹²tua hangin ka lungsimin la kongsak a, ka dai om kei hi. Keima Pasian TOPA aw, lungdam kong ko tawntung ding hi.