Read Zokam Phatna-late 36 Bible Online

Phatna-late 36 - Zokam bible

Phatna-late 36

¹Tumtheih makaipa ading. TOPA nasempa David phuah. Gilopa mawh nei hihna b[62] tawh kisai ka lungsim ah thu khat suak a: Pasian kihtakna ama mit ah a om kei hi.

²Ahang in, a khialhna kimukhia ding le a mawhna hua dingin amah le amah kiphat lua hi.

³Ama kampaute gilo-in zuauthu hi a; pil nading le na hoih sep a khawl ta hi.

⁴A lupna tung nangawn ah siatna geelgeel a; mawhna bawlin, khialhna a nolh kei hi.

⁵TOPA aw, na itna in vante bana, na muanhuaina in huih khua ban hi.

⁶Nangma thumaanna, a kho muallianpite tawh kibang a, na thutangna tui thukpi tawh kibang hi. TOPA aw, nang in mihing le ganhing na kem tuak hi.

⁷Na itna kip c[63] a manphatna kiseh zo lo pi! Mihingte lakah aniam asang in na khate’ liim a bel uh hi.

⁸Amaute in na inn sunga na neihsa tampitak tawh pawi bawl uh a; nang nopsakna gun panin amaute dawn ding na pia hi.

⁹Ahang in, nuntakna tuikhuk nang tawh om a; nangma khuavak ah khuavak ka mu uh hi.

¹⁰Nang hong theite tungah na itna zomsuak inla lungsim thutangte tungah na thumaanna zom in.

¹¹A kisatheite khe kei langkhat ah hong kuan kei henla, migilote khut in kei hong hawlmang kei hen.

¹²En in, siatna bawlte pukin tuk uh a - a tho thei lo dingin kisawnpai hi!