Read Zokam Phatna-late 38 Bible Online

Phatna-late 38 - Zokam bible

Phatna-late 38

¹David phatna-la khat. Ngetna khat TOPA aw, hehsa in hong taihilh kei inla; thangpaisa in hong sek kei in.

²Ahang in, na thaltangte in kei hong sunlet khin-a, kei tungah na khut hong tusuk zo hi.

³Nang thangpaihna hangin ka pumpi dam thei lo a; ka mawhna hangin ka guhte a khauh kei hi.

⁴Vangik lua mahmah puak bangin ka khialhna in kei hong vukcip hi.

⁵Ka hai mawhna hangin ka liamnate muatin a kihhuai hi.

⁶Hong kiniamkhiat mahmah a sunnilohin kun kheukheu-in thumthumsa-in ka vak hi.

⁷Ka nung suk teng na mahmah a; ka pumpi tungah a damna mun a om kei hi.

⁸Ka tha nem-in hong kinengcip a; lunggim lua-in ka tau hi.

⁹Ka lunggulhna khempeuh na mai-ah kong luikhia hi, Topa aw; ka khuisatna nang kiang pan a kisel kei hi.

¹⁰Ka dip kuakua a, ka thahatna bei ta hi; ka mit nangawn mial ta hi.

¹¹Keima liammate hangin ka lawmte le ka kikholhpihte in hong pel uh a; ka vengte in gamlapi ah hong omsan uh hi.

¹²Ka nuntakna a zongte in a thangte uh siah uh a, kei hong nasak nuamte in ka siat nading a kikum uh hi; sun nilohin khem hong sawm uh hi.

¹³Bangmah a za thei lo bilngongpa ka bang a, a kamka thei lo awktawngpa ka bang hi.

¹⁴Khua a za lo, a kam in a dawngkik thei lo pa ka bang khin hi.

¹⁵TOPA aw, nangmah kong ngak hi; Topa ka Pasian aw, nong dawng ding hi.

¹⁶Ahang in, keimah in, "Ka khe a tal ciangin kei tungah kihisakin kisangsak kei uh hen," ka ci hi.

¹⁷Ahang in kei ka puk dekdek a, ka natna a kam thei kei hi.

¹⁸Ka khialhna ka pulak a; ka mawhna in hong lungkhamsak hi.

¹⁹A thahat ka galte tampi hi uh a, a thu om lopi-a hong mudah tampitak ahi uh hi.

²⁰Ka hoihna gitlohna-a hong thukte in, a hoih ka zon ciangin hong gensia uh hi.

²¹TOPA aw, kei hong taisan kei in; hong gamla omsan kei in ka Pasian aw.

²²Keima Honpa Topa aw, kei huh dingin hong kuan meng in,