Read Zokam Phatna-late 40 Bible Online

Phatna-late 40 - Zokam bible

Phatna-late 40

¹Tumtheih makaipa ading. David phuah. phatna-la khat. Lungduaitakin TOPA ka ngak a; kei lam hong nga-in ka kikona a za hi.

²Amah in buanciim omna gum, buannawi le kawt lak panin kei hong phong to a; suangpi tungah ka khe koih in munkip ah kei hong dingsak hi.

³Ka kam ah lathak khat hong guan a, eite’ Pasian phatna biakna-la khat ahi hi. Tampi in mu in lau ding uh a TOPA a muang ding uh hi.

⁴Ama muanna TOPA hisak a, mi kiphasakte en loin pasian-manlote a[66] a nungngatsan mi thupha ngah ahi hi.

⁵Keima Pasian TOPA aw, na bawlsa nalamdang tampi om hi. Ko adingin na geelsa nate, kuamah in simkik zo lo a; tuate gen ding sut dingin sawm ta leng genkhiat zawh lohin tam lua mahmah hi.

⁶Biakna le piakna na lunggulh kei a, ahi hangin ka bilte na vutlet khin hi; b[67], c[68] meihal biakna le mawhna hanga biakna na kal kei hi.

⁷Tuateh, "Kong paikhin a, hiah ka om hi - ka thu laizial sungah a kigelh khin hi. d[69]

⁸Nangma deihna ka sem nuam hi, ka Pasian aw; nangma thukham ka lung sungah a om hi," ka ci hi.

⁹Mihon tampi lakah thumaanna ka tangko a; nang theih bangin ka mukte ka khakcip kei hi, TOPA aw.

¹⁰Na thumaanna ka lungsim ah selcip loin, na muanhuaina le na hotkhiatna ka genkhia hi. Kikhawm mi tampi tungah na itna le na thutak ka imcip kei hi.

¹¹TOPA aw, nangma lainatna kei tungah khakcip kei inla na itna le na thutak in kei hong dal tawntung hen.

¹²Ahang in sim zawh loh lungkhamna in kei hong umcih in; ka mawhnate in kei hong phadong a, khua ka mu thei kei hi. Tuate ka luzanga ka samzang sangin tamzaw a, ka sungah ka lunglel hi.

¹³Kei nong hotkhiat ding lungkim in, TOPA aw; TOPA aw, kei hong huh dingin hong pai meng in.

¹⁴Ka nuntakna hong laksak nuamte khempeuh maizumin buaigawp uh hen; kei siat ding a deih khempeuh maimawlsa in lehkik uh hen.

¹⁵Kei tungah, "Awi bek si’ng, awi bek si’ng" a cite in amau maizumna mah mulkimpih uh hen.

¹⁶Ahi hangin nang hong zongte nang sungah nuamsa-in kipak uh henla; na hotkhiatna a itte khempeuh in, "TOPA kitawisang hen!" ci den uh hen.

¹⁷Tua hinapi zawngin ka tasam hi; Topa in hong phawk hen. Kei hong huh a hong hukhiapa nang na hi hi; hong ziakai kei in, ka Pasian aw.