Read Zokam Phatna-late 41 Bible Online

Phatna-late 41 - Zokam bible

Phatna-late 41

¹Tumtheih makaipa ading. David phatna-la khat. Mi gentheite a khualte thupha ngah hi a; lungkham hun ciangin TOPA in amah a hu ding hi.

²TOPA in amah hu dinga, a nuntakna hawisakin; leitungah amah thupha pia dinga, a galte in utut a, a bawl dingun pia lo ding hi.

³Amah cina-lupna tungah TOPA in kem dinga, lupna panin a natna a damsak ding hi.

⁴Ke’n, " TOPA aw, kei hong lainat in; na tungah ka mawh khin hi, hong damsak in," ka ci hi.

⁵Ka galte in huatna tawh "Amah cik ciangin si-in a min mang ding ahi hiam?" ci uh hi.

⁶Kei hong vehin mi khat hong pai simin a lungsim ah gensiat nading kaikhawmin amaan lopipi gen a; tua khitteh paikhia-in mun citeng ah genthang lai hi.

⁷Ka galte khempeuh kei gensia in kihuau uh a, kei adingin a sia pen ding geel uh a,

⁸"Natsia in amah mancip hi; a lupna pan amah tho ngei nawn lo ding hi," ci uh hi.

⁹Ka muan mahmah, ka ankuang umpih, ka kinaipih ka lawmpa nangawn in kei langah a khetul a liikto hi.

¹⁰Ahi hangin TOPA aw, kei hong lainat in; amaute ka thuk zawh nadingin hong phong in.

¹¹Ka galte ka tungah a gualzawh loh manun nong lungdampih lam ka thei hi.

¹²Ka lungsim cihtakna ah kei nong lenkip-a, nang omna ah nong koih den hi.

¹³A tawntung pan tawntung dongin Israel Pasian TOPA kiphat ta hen. Amen, Amen.