Read Zokam Phatna-late 42 Bible Online

Phatna-late 42 - Zokam bible

Phatna-late 42

¹[70] Tumtheih makaipa ading. Korah’ Tapate b[71] khat. Luitui duhin sazuk a tungnak bangin, nang hong duhin ka hinna tungnak hi, Pasian aw.

²Pasian, a nungta Pasian lunggulhin ka hinna a dangtak hi. Cik ciangin Pasian tawh kimu dingin pai thei ding ka hi hiam?

³Sun thapai-in mite in, "Na Pasian koi ah om hiam?" hong cih laiteng sun le zanin ka khitui anin ka nei hi.

⁴Ka hinna ka sunkhiat kawmin hih nate ka phawk hi: Pasian inn lam zuanin mipite tawh tonkhawm a, lungdam kohna pawi bawl mihonpi makaihin lungnuama ka otzia ka phawk hi.

⁵Ka hinna aw, bang hangin lungkia na hi hiam? Bang hangin ka sungah buai na hi hiam? Keimah in

⁶ka Honpa le ka c[72] Pasian phat lai ding ka himanin Pasian lamen in. Keima sungah ka hinna a lungkia hi; tua ahi manin Jordan leitang pan, Hermon asannate pan - Mizar Vum panin nang kong phawk ding hi.

⁷Tui thukpi in na tuizeu hawk sungah tui thukpi sam a; na tuihualte le na tui kilokte khempeuh in ka tungah hong nawk uh hi.

⁸TOPA in sunin a itna hong lak a, zanin ka nuntakna Pasian tungah ka thunget ahi ama la-in hong ompih hi.

⁹Keima Suangpi Pasian tungah "Bang dinga hong mangngilh ta na hiam? Bang hangin ka galte nuainetsa in thumin kawi vakvak tazen ka hi hiam?" ka ci hi.

¹⁰Ka galte in sun nilohin hong selnoh uh a kei tungah, "Na Pasian koi-ah om hiam?" hong ci uh a ka guhte hong teep hi.

¹¹Ka hinna aw, bang hangin lungkia na hi hiam? Bang hangin ka sungah buai na hi hiam? Ka Honpa le ka Pasian phat lai ding ka hi manin Pasian lamen in.