Read Zokam Phatna-late 43 Bible Online

Phatna-late 43 - Zokam bible

Phatna-late 43

¹Pasian aw, ka dikna langsak inla a pasian-milo minam khat langah hong gum in; zuautheite le migilote panin hong hu in.

²Nangmah Pasian keima kulhpi na hi hi. Bang hangin kei hong nolh na hi hiam? Bang hang ka galte nuainetsa in thumin kawi vakvak tazen ka hi hiam?

³Na khuavak le na thutak sawlkhia-in kei hong makaihsak in; nangma tenna mun na mual siangtho tungah tuate in kei hong makaih uh hen.

⁴Tua ciangin Pasian biakna-tau ah kei ka pai dinga, ka nuamna le ka nopsakna ahi Pasian kiangah ka pai ding hi. Keima Pasian, Pasian aw, harp-in nang kong phat ding hi.

⁵Ka hinna aw, bang hangin lungkia na hi hiam? Bang hangin ka sungah buai na hi hiam? Keimah in ka Honpa le ka Pasian phat lai ding ka hi manin Pasian lamen in.