Read Zokam Phatna-late 46 Bible Online

Phatna-late 46 - Zokam bible

Phatna-late 46

¹Tumtheih makaipa ading. Korah’ Tapate phuah. c[77] tawh kizui. La khat; Pasian in eite belh le i thahatna hi-a, lungkhamhunin hong huhpah lianlian hi.

²Tua ahi manin leitung kikhina tuipi laizang ah mual lianpite pukin

³tuite hawkin phuan a, amaute kilawhna hangin mual liante a kiling zongin i lau kei ding hi.

⁴Tua lai ah gun khat om a, a luite in Pasian khuapi, Sangpen Pa tenna mun siangtho a kipaksak hi.

⁵Ama sungah Pasian om a, a puk kei ding hi; Pasian in phalvak tungin amah a huh ding hi.

⁶Minamte so in kumpi gamte puk hi; ama’n a aw sangsak a, leitung a tuimang hi.

⁷Thahatpen TOPA in eite hong ompih a; Jacob Pasian eite kulh muanhuai ahi hi.

⁸Hong pai unla TOPA nasepte, leitung ah siatna a tunsakte hong en un.

⁹Amah in leitung mongte dongin gal beisak a, thalpeu kuaitanin, teipi tumtan a, lumte a[78] mei-in a hal hi.

¹⁰"Dai hithiat unla, keimah Pasian ka hina thei un; minamte lakah kei hong kitawisang dinga, leitungah kei hong kitawisang ding hi."

¹¹Thahatpen TOPA in eite hong ompih a; Jacob Pasian eite kulh muanhuai ahi hi.