Read Zokam Phatna-late 47 Bible Online

Phatna-late 47 - Zokam bible

Phatna-late 47

¹Tumtheih makaipa ading. Korah’ Tapate phuah. Phatna-la khat. No minamte khempeuh aw, na khut uh beng un; nuamna aw tawh Pasian tungah kiko un.

²Leitung khempeuh a uk alian Kumpipa, Sang Pen TOPA, kihtakhuai na zen e!

³Amah in eite nuai-ah minamte thazawmsakin i khenuai-ah a koih hi.

⁴Amah in a itpa Jacob kisaktheihpih gouluah, eite adingin a teel hi.

⁵Nuam a kikona lakah Pasian kahto a, pengkul awgingte lakah TOPA a kahto khin hi.

⁶Pasian phatna la sak un, phatna la sak un; eite Kumpipa phatna late sak un; phatna late sak un.

⁷Leitung khempeuh Kumpipa, Pasian ahi manin amah phatna-in phatna-la b[79] khat sak un.

⁸Pasian in minamte uk hi; ama kumpi tokhom siangtho tungah Pasian tu hi.

⁹Leitung kumpite c[80] Pasian neihsa ahi manin Abraham’ Pasian’ mite bangin minamte’ uliante kikhawm uh a; amah lianpitakin kitawisang hi.