Read Zokam Phatna-late 48 Bible Online

Phatna-late 48 - Zokam bible

Phatna-late 48

¹La khat. Korah’ Tapate phatna-la khat. TOPA lian hi, eite’ Pasian khuapi sunga ama mual siangtho ah a phattakpen ahi hi.

²Tua mual a sanzia tawh etlawm mahmah a, leitung buppi lungnopna ahi hi. Zaphon d[81] a san penna mun Zion Vum hi a, a Lian Kumpipa khuapi e[82] tawh kibang hi.

³Pasian ama kulhpi sungah om a; tua kulh amah ahilam a kilak hi.

⁴Kumpite in a galhatte uh gawmin, a kuan khawm uh ciangin,

⁵amaute in mu uh a tuampian sa in lau-in a taikek uh hi;

⁶Tua lai-ah amaute lingsak a, numei nausuah nat bangin a tunsak hi.

⁷Amaute Tarshish tembawte bangin na susia a, nisuahna huihin na kitamzansak hi.

⁸Eite in i zaksa bangin Thahatpen TOPA khuapi, eite’ Pasian khuapi ah i mu khin ta hi: tua khuapi Pasian in kipsak den hi.

⁹Pasian aw, na biakinnpi sungah na itna kip ka ngaihsunsun uh hi.

¹⁰Pasian aw, na min mah bangin nangmah phatna in leimongte dong a ban hi; na khut taklam thumaanna tawh dim hi.

¹¹Na thukhennate hangin Zion Vum nuam a, Judah khuaneute kipaak uh hi.

¹²Zion tawnsuak unla, kimkotin a tausangte sim unla

¹³khang sawnsawnte tungah na gen theih nadingun a kulhkente limtakin ngaihsunin a kumpi innte gal-et un.

¹⁴Ahang in hih Pasian a tawntunga eite Pasian hi den a; a tawp dong nangawnin eite hong makaih ding ahi hi.