Read Zokam Phatna-late 49 Bible Online

Phatna-late 49 - Zokam bible

Phatna-late 49

¹Tumtheih makaipa ading. Korah’ Tapate phuah. Phatna-la khat. No mite khempeuh aw, hih za un; hih leitung-a tengte khempeuh

²aniam asang, azawng ahaute in a kibangin ngai un:

³Ka kam in pilna thute a gen ding hi; ka lungsim pana ka ngaihsut khiat in hong theitelsak ding hi.

⁴Paunak khat lamah ka bil ka ngat ding hi; harp in ka thu haksa ka gencian ding hi:

⁵Ni siate hong tun ciang bang hang kihta in, migilo mi khemte in hong kimkot ciang -

⁶a neihsa uh muangin a hauhna uh kisaktheihpihte in hong kimkot uh ciangin bang hang kihta ding ka hi hiam?

⁷Kuamah in midang khat nuntakna tan thei lo a, Pasian tungah ama tatna man a piaksak thei kei hi -

⁸nuntakna tatna man tam lua a,

⁹nungta tawntunga a muat loh nadingin - manpiak kicing cih a om ngei kei hi.

¹⁰Ahang in, mipilte sih mi khempeuh in mu thei-in; mihaite le ngaihsut beite a kibangin kisia a, a hauhna uh midang a nusiat uh hi.

¹¹Leitangte amau min a puaksak khit a[83] uh hangin amau inn b[84] a han uh hiden dinga, khang tawntungin amau tenna a suak ding hi.

¹²Ahi zongin mihing hau taleh a kip kei hi; amah a kisia ganhingte tawh kibang c[85] hi.

¹³Amau le amau kimuangte le amau gente hoih a sakpih amau nungzuite mong a hici ahi hi.

¹⁴Tuu bangin amaute tun nading hankhuk d[86] hi a, sihna kivakna amaute ahi ding hi. Zingsang in mi thutangte in amaute uk ding uh a, a pumpite uh hankhuk e[87] ah muatin kumpi inndeite pan gamlapi ah a om ding uh hi.

¹⁵Ahi hangin Pasian in ka nuntakna f[88] hankhuk pan tankhia dinga; amahmah in kei hong la taktak ding hi.

¹⁶Mi khat a hauh ciang, a inn thupina a khan ciangin linglawng lua kei in;

¹⁷ahang in, a sih ciangin bangmah pua thei loin ama thupina a kahtohpih kei ding hi.

¹⁸A nuntak lai-in thupha ngahin a kisim zongin - a daupai ciangin miten a phat uh zongin -

¹⁹a pate khang mah zom dinga, nuntakna khuavak a mu ngei nawn kei ding hi.

²⁰Theihtelna nei lopi-a hau mi, a mangthang gamsate bang ahi hi.