Read Zokam Phatna-late 52 Bible Online

Phatna-late 52 - Zokam bible

Phatna-late 52

¹Tumtheih makaipa ading David phuah f[94] khat. Saul kiangah Edom-te Doeg pai-in "Abimelech’ inn ah David pai ta hi," a cih lai a. Nang thahatpa aw, bang hangin siatna kisaktheihpih na hi hiam? Pasian mita vangkiampa bang hangin sunniloh a kisathei na hi hiam?

²Nang, zuauphuah bek a sipa aw, na leii in siatna bek sawmsim a, tempa hiam tawh kibang hi.

³Nang, apha sangin asia nuam na sazaw a, thutak gen sangin zuauphuah nuam na sazaw hi.

⁴Nang, zuauthei leii aw, nang, a nasak thei kammal nuamsa ciai!

⁵Pasian in siat tawntungna ah nang hong tunsuk taktak dinga, na puanbuk pan nang hong bawhin hong balzan dinga; mihingte leitang panin hong bulkalh ding hi.

⁶A thumaante in mu in kihta ding uh a; amaute in amah nuihsanin,

⁷"Ama kulh muanhuai Pasian a hisak lo, ama hauhluatna a muang midangte siatsakna tawh a khang mipa tu-in hiah om e!" ci ding uh hi.

⁸Ahi hangin kei ka hileh Pasian inn sungah a khanpha olive kung khat tawh ka kibang a; Pasian itna kip a tawntungin ka muang den hi.

⁹Na sepsate hangin nang kong phat den dinga; na min hoih ahi manin na min ah ka lamen ding hi; nangma misiangte muhin nang kong phat ding hi.