Read Zokam Phatna-late 53 Bible Online

Phatna-late 53 - Zokam bible

Phatna-late 53

¹Tumtheih makaipa ading. a[95] zui-in. David phuah b[96] khat. Mihai in a lungsim ah, "Pasian om lo hi," ci hi. Amaute a kisia uh hi-a a lampite uh siahuai-in, a hoih a gamta khat beek a om kei uh hi.

²Pasian in van panin mihing tapate ensuk a, a theitel le Pasian a zong khatpeuh a om hiam, cih a en hi.

³A kua-mapeuh lampial khin a, amaute a kisia khawm khin uh hi; a hoiha gamta khat beek om lo-a; khat nangawn a om kei hi.

⁴Mite in anlum a nek bangin ka mite valhin, Pasian a sam lo siatna bawl mite in sin ngei lo ding uh hiam?

⁵Kihtak ding bangmah om lopi amaute a lau niloh uh hi. Nang hong sim mite guh Pasian in paithang a; Pasian in amaute hua ahi manin amaute na maizumsak hi.

⁶Ehei, Israel hotkhiatna Zion pana hong paikhia lah ahi a! Pasian in ama mite nopsakna a piak kik ciangin Jacob nuam henla, Israel kipak hen!